Қазақстан Тәжікстанға гуманитарлық көмек жіберді

Қазақстан жыл сайын бауырлас Тәжікстанға гуманитарлық көмек жіберіп отырады. 2006 жылдан бері көрсеткен көмектің жалпы құны – 38 миллион доллар. 

Қазақстан үкіметі Тәжікстанға гуманитарлық көмек ретінде 5 мың тонна ұн жіберді. Ұнның сертификатын Душанбедегі қазақстандық елші Асқар Тәжібаев тәжік үкіметіне тапсырды.

Тәжікстан үкіметінің мемлекеттік материалдық резерв агенттігінің директорының орынбасары Сохибджон Зиедуллоев Қазақстанның көрсеткен көмегін жоғары бағалайтынын айтты.