ШҚО: Фармацевт дәрі-дәрмектерді үйінде жасырған

Шығыс Қазақстан облысының полиция департаментінің хабарлауынша, алты дәріхана дәрі-дәрмектерді қымбат бағамен сатқан, ал кейбір дәрі-дәрмектер дәрігердің нұсқауынсыз сатылған.

 «Бақылауды жүзеге асыру барысында фармацевт "Трамадол" препаратын қымбат бағамен сатқаны анықталды. Аталған дәрі дәрігердің нұсқауы болған жағдайда берілетінін айта кету керек. Сонымен қатар, фармацевт дәрі-дәрмектің көп бөлігін үйінде сақтап келген», -  Шығыс Қазақстан облысының полиция департаментінің басшысы Сағат Мадиев.

Тұрғылықты жерін тексеру кезінде 44 жастағы әйелден 2500-ге "Трамадол"  мен 190 флакон "Тропикамид" тәркіленді.