Кабинетінде карта соққан әкімнің жазасы қандай?

Түркістан облысына қарасты ауыл әкімі Әлібек Сейдалиев жұмыс уақытында, жұмыс орынында карта ойнап отырған жерінен видеоға түсіп қалған. 

Құмар ойынның құрығындағы шенді азамат тәртіп кеңесінде видеодағы жайдың болғанын растады. Сондай-ақ, кеңеске қатысқандар шенеунікті лауазымына лайық емес деп таныды. Сейдалиевтің орынтақтан кетері не қалары Шардара аудандық әкімдігінде шешілмек.

«Бұл бір рет қана болған. Мойындаймын. Қатты өкініп тұрмын. Келесіде мұндай жағдай қайталанбайды», - деді ол.