Владимир Путин вакцина салдырды

Ресей президенті Владимир Путин коронавирусқа қарсы вакцина салдырды.

Владимир Путин 23 наурызда вакцина салдыратынын мәлімдеген. Билік вакцинация процесін көпшілікке көрсетпеді және Путиннің қай вакцинаны қолданғаны да айтылмады.

«Владимир Путин коронавирусқа қарсы вакцина салдырды. Өзін жақсы сезінеді. Ертең оны толық жұмыс күні күтіп тұр», - деді баспасөз хатшысы Дмитрий Песков.

Путиннің вакцина салдырғаны туралы хабарлама Twitter-дегі Sputnik V ресми аккаунтында да жарияланды.