Тоқаев Ұлттық қоғамдық сенім кеңесінің отырысын өткізеді

Мемлекет басшысы Қасым-Жомарт Тоқаев 16 қараша күні Ұлттық қоғамдық сенім кеңесінің алтыншы отырысына қатысады.

Жиын барысында Президенттің Ұлттық кеңес аясында бұған дейін берген тапсырмаларының орындалу барысы, сондай-ақ ҰҚСК мүшелерінің қоғамдық, әлеуметтік-экономикалық және өңірлік даму мәселелері жөніндегі ұсыныстары талқыланады деп жоспарлануда.

Отырыс Кеңестің өңірлердегі мүшелерінің қатысуымен онлайн форматта өтеді. Бұл туралы Президентің баспасөз хатшысы Берік Уәли жазды.

– Президенттің Баспасөз қызметі 15:00-де Facebook әлеуметтік желісіндегі AkordaPress парақшасы арқылы ҰҚСК жиынынан тікелей көрсетілім ұйымдастырады, – деп жазды Берік Уәли.