Теннистен Қазақстан әйелдер құрамасы тарихи жеңіске жетті

«Аргентина мен Қазақстан арасындағы Билли Джин Кинг Кубогының плей-офф кезеңіндегі текетірес ұлттық құрама үшін жеңіспен аяқталды. Қазақстан алғаш рет плей-офф кезеңінен өтіп, тарихи жеңіске жетті. Құрама әлемдік топта өз орнын сақтап қана қоймай, 2022 жылдың финалына дейін қорытынды квалификацияда ойнау құқығына ие болды», - деді Қазақстан теннис федерациясының баспасөз қызметі.