Facebook-та Тоқаевтың жалған аккаунты пайда болды

Facebook әлеуметтік желісінде мемлекет басшысы Қасым-Жомарт Тоқаевтың жалған аккаунты пайда болды. Президент атынан біреулер «коронавирустық пандемия кезінде халықты қолдау үшін» ақшалай сыйлықтардың ұтыс ойынын өткізбекші болған. Ол үшін пайдаланушыларға өздерінің аты-жөнінің алғашқы әрпін жіберу керек және жазбаға репост жасау қажет екен.


Хабарламада орфографиялық және стилистикалық қателер бар. Жазбаға қазірдің өзінде 100-ден астам репост жасалып, 1000-нан астам пікір келіп түскен. 
Жалған парақша 2017 жылы азиялық қыздың фотосымен ашылғаны белгілі болды. 2020 жылдың 13 шілдесінде аккаунт «Kasym-Jmart TokyevI» деп өзгертіліп, бірнеше минуттан кейін ақша тарату туралы хабарлама жарияланды.