Жер сағаты: 27 наурызда Ақорда мен Ішкі істер министрлігінің жарығы өшіріледі

27 наурыз күні Нұр-Сұлтан қаласында «Жер сағаты» бүкіл ғаламшарлық акциясы аясында 150-ден астам нысан электр қуатынан ажыратылады. Елордадағы көптеген нысандар осы уақытта сыртқы сәндік жарықтарын сөндіреді.

Бұл акцияның негізгі мақсаты – ғаламшар ресурстарына жауапты және ұқыпты қарауға адамдардың назарын аудару. Айта кетейік, жыл сайын 180 елден миллиондаған адамдар 1 сағатқа жарық пен электр құрылғыларын сөндіреді.

Жергілікті уақыт бойынша 20:30-да елордада келесі нысандардың сыртқы сәндік жарығы өшіріледі: Астана-Арена, Алау Мұз айдыны, Барыс Арена, Қазмедиа Орталығы, Мәңгілік Ел монументі (триумфалды арка), NUR ALEM болашақ энергиясы мұражайы, Астана Опера опера және балет театры, Сарайшық көшесіндегі М2 көпірі, Сығанақ көшесіндегі М3 көпірі, Астана-Бәйтерек монументі, Talan Towers БО, "ҚТЖ" АҚ ғимараты, Нұр-Әлем сферасы, Хан ШатырСОО, "Ailand" ОДО, Mega Silk Way СОО, "Сары арқа" СОО, Назарбаев Университет, "Жекпе-Жек" СК, "Ақ Орда" Президент Резиденциясы, Хазірет Сұлтан мешіті, ҚР Ұлттық мұражайы, Шабыт шығармашылық сарайы, Тәуелсіздік сарайы, Бейбітшілік және Келісім сарайы, Қазақ Елі монументі, Оқушылар сарайы, ІІМ ғимараты, сондай-ақ 150-ден астам тұрғын үй кешендері.