Кеше, Жамбыл атындағы кітапханада белгілі қаламгер, күйші Таласбек Әсемқұловтың 8 томдық жинағының кезекті 6-8 томдарының тұсаукесер рәсімі болып өтті.
Кешкі 6 да басталған әсерлі кеш ұзаққа созылды. Оған себеп аталмыш кітапхана өз оқырмандарына тәулік бойы дамылсыз қызмет көрсету жобасын енгізіп жатыр екен.
Бұдан былай 3 ауысымда қызмет көрсететін болғандықтан кітапхана есігі келем деушілерге қашан да айқара ашық.
Кеш соңында жазушының жары, философия ғылымының кандидаты, жазушы Зира Наурызбаева тұсаукесерге қатысқан зиялы қауым өкілдеріне ризашылығын білдірді. Шара барысында сөз алған Әлия Бөпежанова, Әсия Байғожина, Дидар Aмантай, Дәурен Қуат, Ақберен Елгезек, Дина Елгезек, Нұрымжан Керейұлы, Мұрат Әбуғазы, Раушан Жұманиязова, Бейбіт Сарыбай, Нұржан Құлымжанов, Земфира Ержан, Раиса Сайран, Назгүл Қожабек, Мұрат Есжан, Ольга Гумирова, Бақытнұр Отарбаева, Алғадай Әбілғазыұлы, Асылан Тілегендер Талас аға жайлы естеліктерін айтып, кітап туралы ойларын ортаға салды. Зира ханым, сондай-ақ кітапхана ұжымына, әсіресе Бану Даулетбаева, Шарайна ханымдарға рақыметін айтты. Кештен алған ерекше әсерден біразға дейін арыла алмаған қонақтар кітапхана алдында әңгімелесіп тарқаса алмай тұрды.
![](http://bairaq.kz/uploads/posts/2023-09/1694788791_e6147c12-06c3-4bc8-81ca-6680caa486b1-1.jpg)
![](http://bairaq.kz/uploads/posts/2023-09/1694788564_6d75b1d1-ee1d-49de-825f-264808924564.jpg)
![](http://bairaq.kz/uploads/posts/2023-09/1694788562_5540c613-97e1-4897-af0f-c203357a0fd7-1.jpg)
![](http://bairaq.kz/uploads/posts/2023-09/1694788582_8789efe7-7e77-4f19-8382-05967fdd321a-1.jpg)
![](http://bairaq.kz/uploads/posts/2023-09/1694788584_8997c3c8-2bdc-4d74-9d20-db08121be1cf.jpg)
Басу