Алматыдағы тарихи ғимарат сатылымға шықты

Алматы қаласының қақ ортасында орналасқан, қанша жыл бойы көпшіліктің мәдени-рухани ләззат алуын қамтамасыз еткен «Қазақстан» кинотеатрының ғимараты сатылымға шықты.

Ғимарат құны – 858,5 миллион теңге. Жалпы көлемі – 1770 шаршы метр. Нысан екі қабаттан тұрады, жертөле есебіндегі екі қабат және бар. Сатушылар төлемді жарты жыл-бір жыл ішінде бөліп төлеуге болатынын айтады. Алғашқы міндетті жарна – 200 миллион теңге. 

Ғимарат Алматы қаласының тарихи ауданында, Сейфуллин және Әйтеке би көшелерінің қиылысында орналасқан. 

«Қазақстан» кинотеатры 1957 жылы салынған. Ол елдегі екі залды, сол уақыттағы технологиялардың озық үлгісімен жабдықталған нысан еді. 

Ғимаратты сатып алған егесі оны жалға бере алады.