ҚР МСМ: Жаңа комитетке төраға тағайындалды

Қазақстан Республикасы Мәдениет және спорт министрінің бұйрығымен Қуат Борашев Мәдениет және спорт министрлігі Архив істері және құжаттаманы басқару комитетінің төрағасы қызметіне тағайындалды.
Бүгін Ақтоты Райымқұлова жаңа комитеттің басшысын ұжымға таныстырып, қызметіне сәттілік тіледі.
Біздің анықтама:
Қуат Қахарманұлы Борашев 1972 жылы 12 желтоқсанда Жамбыл облысы, Жамбыл ауданы, Амангелді ауылында дүниеге келген.
1994 жылы Әл-Фараби атындағы Қазақ Ұлттық университетін Журналистика мамандығы бойынша тәмамдаған.
Еңбек жолын 1993 жылы «Қазақстан» мемлекеттік телерадио хабарларын тарату компаниясының редакторы қызметінен бастаған.
1994 жылы мамыр-қазан аралығында «Қазақстан телевизиясы мен радиосы» республикалық корпорациясында тілші болды.
1994-1995 жылдары — орта мектеп мұғалімі.
1995-1997 жылдары — «Райхан-ТВ» телекомпаниясының дикторы.
1997 жылғы шілде-қыркүйек аралығында — «Тараз-ТВ» қалалық телеарнасының редакторы.
1997-2000 жылдары — «Ақнұр» және «Азан» топтарының редакторы, жетекшісі, «Жамбыл облыстық телерадиокомпаниясы» ЖАҚ комментаторы.
2000-2003 жылдары — «Қазақстан темір жолы» ЖАҚ бас маманы.
2003-2005 жылдары — «Егемен Қазақстан» республикалық газетінің тілшісі. 2005 жылғы ақпан-маусым аралығында — «ҚР Президентінің ТРК» ҰАҚ бөлімінің меңгерушісі.
2005-2006 жылдары — «Қазақстан Республикасы Президентінің ТРК» ҰАҚ бөлім меңгерушісі.
2006 жылғы наурыз-тамыз аралығында — ҚР Президенті Баспасөз қызметінің бас сарапшысы.
2006-2007 жылдары — «Егемен Қазақстан» республикалық газетінің шолушысы. 2007-2012 жылдары — ҚР Президенті Әкімшілігінде түрлі қызметтер атқарған. 2012-2013 жылдары — ҚР Мәдениет және ақпарат министрлігінің Ақпарат және мұрағат комитеті төрағасының орынбасары.
2013-2017 жылдары — ҚР Мемлекеттік хатшысы Хатшылығы меңгерушісінің орынбасары.
2017 ж. маусым-қараша аралығында — «Егемен Қазақстан» республикалық газетінің бас редакторы.
2017-2019 жылдары — ҚР Мәдениет және спорт министрлігі Тіл саясаты комитетінің төрағасы.
2019 жылдың наурызынан бастап қазіргі таңға дейін — ҚР Мемлекеттік хатшысы хатшылығы меңгерушісінің орынбасары қызметін атқарды. Басу