Өзбекстанда Президент сайлауы өтті деп есептелді

Өзбекстан Республикасында бүгін Президент сайлауы өтіп жатыр. Жергілікті уақыт бойынша 11:00-де дауыс берген сайлаушылар жалпы сайлаушылардың 33 пайызын құрады. Бұл туралы Орталық сайлау комитетінің төрағасы Бахром Кучкаров айтты. 
Жергілікті Заңға сәйкес, егер жалпы сайлаушылардың 33 пайызы дауыс берсе, сайлау өтті деп есептеледі. Сайлау учаскелері 20:00-де жабылады. 

Орталық сайлау комитетінің мәліметінше, Өзбекстанда 19,86 миллион сайлаушы тіркелген, 10 760 сайлау учаскесі ұйымдастырылған. Азаматтар шетелде де дауыс бере алады: 49 мемлекетте 55 сайлау учаскесі және 316 жылжымалы пункт жасақталған. Сайлау қорытындысы дүйсенбі күні таңертең жарияланады. 

Елдегі бес партия да – Экологиялық,  «Миллий тикланиш», «Либерал-демократиялық», «Халықтық-демократиялық» және «Адолат» өз кандидаттарын тіркеді. Олардың арасында қазіргі президент Шавкат Мирзиеев те бар. 

Президент сайлауы Өзбекстанда 5 жылда бір рет өтеді. Өзбекстанда 2016 жылдың 4 желтоқсанында кезектен тыс сайлау өтіп, Шавкат Мирзиеев жеңіске жеткен. Елді 1989 жылдан бері басқарып келген 2016 жылы 2 қыркүйекте 78 жасында инсульттен қайтыс болған.  Басу