Панацея немесе қауіп: Ресейлік вакцина туралы не білеміз?

Ресейде тіркелген вакцина әлемдік қауымдастықта резонанс тудырды. Кейбір елдер Ресей ғалымдарының  жұмысына сенім білдірдісе, ал басқаларында - қорқыныш туындаған.

Қысқа уақыт ішінде жасалған препарат «Sputnik V» деп аталды және ол барлық сынақтардан өтіп, 100% вакцинацияланған еріктілерде иммунитет қалыптастырды. 

"Менің қыздарымның бірі осындай вакцина салдырды, яғни, ол экспериментке қатысты.  Бірінші егуден кейін, оның температурасы 38 болды, келесі күні 37-ден сәл асты. Екінші егуден кейін температура аздап көтерілді, бірақ бәрі дұрыс, ол өзін жақсы сезінеді", - дейді Ресей президенті Владимир Путин.

Вакцина жасау және оның қауіпсіз және тиімді екенін дәлелдеу - екі түрлі нәрсе, - деді американдық аллергия және жұқпалы аурулар институтының директоры Энтони Фауси.

"Егер орыстар вакцинаны 150 миллион ресейлік азаматқа қолданса, онда бұл, әрине, жақсы көрсеткіш болады.  Әдетте адамдар вакцинацияның саяси аспектілерін көшбасшылардан көреді.  Алғашқылардың бірі болуға деген ұмтылыс ғылыми сақтықты жеңеді", - деді Бразилияның бұрынғы денсаулық сақтау министрі Луис Энрике Мандетта.

Бірақ орыстардың жетістігіне күмәнданбайтын елдер де бар.  Сербия президенті Sputnik V-ті экономиканы құтқарушы деп атады, бірақ серб сарапшылары оның тиімділігін растағаннан кейін өздерін вакцинамен қамтамасыз ететінін айтты.  Ал Филиппиндіктер шексіз сенім білдірді.

"Орыстар жасаған вакцина адамзат үшін шынымен пайдалы екеніне сенімдімін. Мен вакцинаны біздің елде бірінші болып қабылдаймын. Егер бұл мен үшін жақсы болса, бәрі үшін жақсы болады", - деді Филиппин Президенті Родриго Дутерте.


Басу