Қазақстан шетелдіктерге виза алу мәселесін шешіп берді

Шетелдіктер біздің елге келу үшін визаны электронды түрде ала алатын болды. 

Бұрын шетелдік қонақты елге шақырған адам жолсапар үшін құжат жинап, ал қонақтың өзі аймағындағы Қазақстанның елшілігіне баруы тиіс-тін. Одан кейін 30 күн ішінде жауап алатын. Енді, ІІМ уәде еткендей, жауап 5 күн ішінде болады. Ол үшін www.vmp.gov.kz сайтына кіру қажет. 

Шетелден қонақ шақырғысы келетін адам сайттағы өзінің жеке кабинетінде: 

-Өтініш толтырып, шетелдік қонақ туралы мәліметтерді жазуға, 

-Қажетті жарнаны төлеу (әр қонақ үшін 0,5 АЕК)

-Бес жұмыс күн ішінде шақырушыға 10 саннан тұратын дәйектеме келеді, бұл мәліметті шетелдікке жіберу шарт;

-Шетелдік азамат визалық-миграциялық порталда өтініш толтырып, 15 минут ішінде жауап алады;

-Электронды визаны басып шығарып, Қазақстан шекарасына өтерде Шекара қызметінің қызметкерлеріне көрсету шарт.