Павлодар облысының әкімі өзінің тұтқындалғаны туралы білмей ме?

15-қаңтар күні кешқұрым Павлодар облысының әкімі Болат Бақауов әкімдік ғимаратында жиналыс үстінде тұтқындалды деген ақпарат тарады. Сондай-ақ, оның орынбасары да бірге «кеткенін», үйінің тінтіліп жатқанын, тұтқындалу себебі жемқорлыққа қатысы бар екенін айтқан-ды. 

Алғашында ешқандай ресми мәлімдеме жарияланбады, тіпті, түсініктеме де бермеді. Дегенмен, сағат кешкі сегіздер шамасында әкімнің баспасөз-хатшысы Ернар Сейтахмет аталған мәселеге қатысты түсініктеме берді. Ол әкіммен бірге Екібастұз қаласына жұмыс сапарымен барғанын, ол «өзінің қамалып жатқандығы» туралы білмейтінін айтты. 

Бұл бұл ма?! Баспасөз-хатшысы дүдәмал күйде отырған басшы түнгі сағат он бірге таяу «Инстаграмда» жазба жариялайды. Ол жерде әкім Екібастұздағы кездесуде қандай мәселелер көтерілгенін, осындай кездесулерді жиі ұйымдастыруға уәде беретінін жеткізді. 

 

 

Посмотреть эту публикацию в Instagram

 

Бүгін индустриялық-инновациялық даму, сондай-ақ кәсіпкерлік және сауда басқармаларының алқа мәжілісі өтті. Өкінішке қарай, былтыр инвестициялық жобалардың барлығын жүзеге асыру мүмкін болмады. Инвесторлар бюджет қаражаты есебінен қажетті инфрақұрылымдар салынғаннан кейін өз міндеттемелерін орындамаған жағдайлар кездесті. Сонымен қатар, өңірде қомақты инвестиция салынып, бірақ тоқтап тұрған кәсіпорындар бар. Мәселен, Екібастұздың теміржол кластеріндегі үш кәсіпорыны тапсырыс ала алмай келеді. Осы және өзге де мәселелерді шағын және орта бизнестің, ірі компаниялардың өкілдерімен болған кездесуде талқылап, пысықтадық. Әрбір проблемада мемлекеттік органдар тарапынан кеткен кемшіліктер де бар деп ойлаймын. Біз бұл бағыттағы жұмысты жақсартатын боламыз. Осы аптада Павлодар облысының басқа да басқармаларының қатысуымен алқа мәжілісі форматындағы кездесулерді жалғастыратын боламыз. Сегодня прошла коллегия управлений индустриально-инновационного развития и предпринимательства и торговли. К сожалению, не все инвестиционные проекты удалось реализовать в прошлом году. Есть случаи, когда инвесторы не выполняют свои обязательства после строительства необходимой инфраструктуры, выполненного за счёт бюджета. Кроме того, в регионе есть простаивающие предприятия, в которые были вложены большие инвестиции. Например, три предприятия железнодорожного кластера в Экибастузе не получают заказы. ⠀ Эти и другие вопросы мы обсудили во время встречи с представителями крупных компаний и малого и среднего бизнеса. Думаю, что в каждой проблеме есть и недоработка государственных органов. Мы будем стараться улучшать эту работу. ⠀ На этой неделе мы обязательно продолжим встречи в формате коллегий с участием других управлений Павлодарской области.

Публикация от  Bulat BAKAUOV (@bbakauov) 15 Янв 2020 в 8:41 PST

Болат Бақауов Павлодар облысы, Новокузьминка ауылында 1971 жылы туған. Железинский ауданындағы «Бақауов» шаруа қожалығының басшысы болды. Он жыл кәсіпкерліктен кейін мына кезекпен әкім болып келеді: Качирский ауданы, Ақсу қаласы, Павлодар қаласы және Павлодар облысы. 

Еске сала кетейік, Бақауовтың ізашарларының бірі, Павлодар облысының бұрынғы әкімі Ерлан Арын 2014 жылы сыбайлас жемқорлыққа қатысы болғаны үшін сотталған-ды...