Республикалық денсаулық сақтауды дамыту орталығына жаңа басшы тағайындалды

Алматы қаласы Қоғамдық денсаулық сақтау департаментінің бұрынғы басшысы Қанат Төсекбаев Қазақстан Республикасы Денсаулық сақтау министрлігінің Денсаулық сақтауды дамыту республикалық орталығының бас директоры болып тағайындалды.

Төсекбаев Қанат Дүйсенбайұлы 1982 жылы 6 тамызда Талғар қаласында дүниеге келген.

2005 жылы Қазақ мемлекеттік медицина университетін бітірді. 2008 ж. - «Болашақ» бағдарламасы бойынша Ганновер медициналық мектебін тәмамдады (Денсаулық сақтауды басқару). 2013 жылы  Каспий қоғамдық университетінде (экономист), сонымен қатар Алма университетінде (іскери әкімшілендіру магистрі) оқыды. АҚШ-та «Болашақ» бағдарламасы бойынша қоғамдық денсаулық сақтау саласында тағылымдамадан өткен.

Жұмыс тәжірибесі:

- Алматы қаласының № 7 Мемлекеттік медициналық-санитарлық қызметіндегі жедел жәрдем фельдшері (2005-2007);

- Вивантес клиникасындағы халықаралық ынтымақтастық жөніндегі жоба менеджері, Берлин (2007);

- Астана қаласындағы «Ұлттық медициналық холдинг» АҚ басқарма төрағасының кеңесшісі (2008-2009);

- Қазақстан Республикасы Денсаулық сақтау министрлігі вице-министрінің штаттан тыс кеңесшісі, Астана қ. «Астана медицина университеті» АҚ жетекші маманы (2009-2010 жж.);

- «Қалалық жедел медициналық көмек станциясы» МКҚК бас дәрігері, Астана (2010-2013);

- Қазақстан Республикасы Президентінің Кеңсесі «Оқжетпес» АҚ-ның президенті (2013);

- Қазақстан Республикасы Президентінің Іс басқармасы «Almaty Resort» «Клиникалық санаторий» АҚ президенті (2014);

- «Қалалық балалар жұқпалы аурулары ауруханасы» мемлекеттік жедел медициналық көмек орталығының бас дәрігері, Алматы (2015-03.2017);

- Батыс Қазақстан облысы денсаулық сақтау басқармасының бастығы (03.2017-10.2018);

- Алматы қаласы Денсаулық сақтау басқармасының бастығы (2019 жылдан бастап, Алматы қоғамдық денсаулық сақтау басқармасы) (10.2018-09.2019)