Камбэк: "ПСЖ" жартылай финалға шықты

Францияның "ПСЖ" командасы Чемпиондар лигасының ширек финалында Италияның «Аталантасын» ұтып жартылай финалға шықты.

Португалияның Лиссабон қаласында өткен ойын 2:1 есебімен аяқталды. 27-минутта хорватиялық жартылай қорғаушы Марио Пашалич "Аталантаны" алға шығарды, бірақ «ПСЖ» керемет жауап қайтарды. Камбэк жасап, 90-минутта бразилиялық қорғаушы Маркиньос гол соқса, ал Камерундық шабуылшы Эрик-Максим Шупо-Мотинг 93-ші минутта ойынға нүкте қойды.

Ширек финалдан бастап Чемпиондар лигасының барлық ойындары Лиссабонда өтеді. Жеңімпаз бір ойынның нәтижесі бойынша анықталады.

Чемпиондар лигасының 1/4 финалының кестесі (барлық матчтар Нұр-Сұлтан уақытымен 01.00-де басталады):

14 тамыз. "РБ Лейпциг" - "Атлетико"
15 тамыз. "Барселона" - "Бавария" Мюнхен
16 тамыз. "Манчестер Сити" - "Лион"

Еске салайық, 2019 жылы "Ливерпуль" "Реалдың" үш жылдық гегемониясын бұзып, Чемпиондар лигасының жеңімпазы болды.
Басу