Еліміздің үшінші қаласынан коронавирус анықталды

Қазақстанда тағы да бес науқас тіркелді. Үшеуі Алматы қаласында, екеуі бұған дейін науқастар тіркелмеген Қарағанды қаласында. Осы сағатта инфекция жұқтырғандар саны 49 адамды құрап отыр. Алматыда – 22, Қарағандыда – 2, Нұр-Сұлтанда – 25 адам. Бұл туралы ҚР Денсаулық сақтау министрлігінде айтылды. 

Диас Ахметшәріп толығырақ айтып берді. 

«Қарағандыда тіркелген екі адам – 0324 – Минск-Қарағанды бағытындағы рейстің жолаушылары. Біріншісі 1971 жылы туған, екіншісі 1972 жылы туған. Алматыда үш адам тіркелді: 1982 жылы туған және 1979 жылы туған екі әйел адам Берлиннен келген, 1997 жылғы азамат Франциядан ұшып келді. Жағдайлары қанағаттанарлық. Елде барлығы 49 адам тіркелді», - деді ол.