Қарағандыда браконьер елік атып алды

13 қаңтарда «Браконьер» жедел-профилактикалық іс-шарасы кезінде Қарағанды облысы Бұқар жырау ауданындағы Полиция департаментінің экологиялық полиция қызметкерлері 63 жастағы Қарағанды тұрғынының басқаруындағы Toyota Land Cruiser көлігін ұстады.

Көліктің жолаушылар салонынан 2 жабайы жануарлардың қаңқасы, қарулар мен патрондар табылды. Ұсталған азамат өз кінәсін мойындады. - Осы факті бойынша Қылмыстық кодекстің 337-бабының 1-бөлігі (заңсыз аң аулау) сотқа дейінгі тергеу басталды. Қылмыстық іс жүргізу кодексінің 201-бабына сәйкес басқа ақпарат жария етілмейді.