42 500 теңге көмекті енді бәрі ала алмайды

Еңбек және халықты әлеуметтік қорғау министрлігі 42 500 теңге көлеміндегі мемлекеттік жәрдемақы тағайындау тәртібіне өзгеріс енгізді. 

Жаңа талаптар бойынша, министрлік мемлекеттік жәрдемақы алатындардың санатын көбейтті. Жаңа талап бойынша келесі санатқа кіретін азаматтар да мемлекеттік жәрдемақы алады. 

- орта және шағын кәсіпкерлікте жұмыс істейтін және ақысыз демалыс алған азаматтар; 

- ірі өндірістерде жұмыс істейтін және ақысыз демалыстағы азаматтар; 

- жалдамалы болып саналмайтын жеке кәсіпкерлер; 

- жеке тәжірибемен айналысып жүрген азаматтар; 

- бірыңғай жинақ жарнасын төлеп жүрген азаматтар; 

- салығы уақытылы төленіп жүрген қызметкерлер; 

- коммерциялық нысанда жұмыс істейтін және ақысыз демалысқа шыққан азаматтар. 

Ал келесі санаттағы азаматтар мемлекеттік жәрдемақыны ала алмайды: 

- ТЖ режимі жарияланған уақытқа дейін бірде-бір рет бірыңғай жинақ жарнасын төлемеген азаматтар; 

- ТЖ режиміне дейін әлеуметтік сақтандыру қорына бірде-бір рет жарна төлемегендер; 

- зейнетақы қорына бірде-бір рет жарна төлемеген азаматтар.