«Halyk Bank» ақша шешуді неге шектеді?

«Қазақстанның Халық Банкі» Акционерлік қоғамы 1-маусымнан бастап банк шоттарынан заңды тұлғалардың ақша шығару ережесін өзгертпек. 
ҚР Ұлттық Банкінің төрағалығының 2020 жылдың 21-сәуіріндегі №50 «Күнтізбелі ай бойынша заңды тұлғалардың банк шоттарынан ақша шешуі және санаттардың айырмашылығы туралы» Қаулысымен келесі шектеулі қаражат мөлшерлері мен санаттар анықталды: 
- шағын бизнес нысандары (20 000 000 теңгеге дейін); 
- орта бизнес нысандары (120 000 000 теңгеге дейін); 
- ірі кәсіпорындар (150 000 000 теңгеге дейін). 
Аталған шектеулі суммалардан жоғары ақшаны заңды тұлғалар өз шотынан шешу үшін Банкке қажеттілік туралы құжаттарды өткізуі тиіс. Бұл өтініш үш күн ішінде қаралып, жауабы беріледі. 
Сондай-ақ, келесі санаттарға шектеулер жүрмейтінін айтқан жөн: 
1) шағын кәсіпкерлікпен айналысатын заңды тұлғалар шағын кәсіп санатына жатқанымен өзіндік ерекшеліктері бар (бұл нысандардың жылдық жұмыспен қамтуы он бес адамнан, жылдық орташа кірісі 300 мың АЕК-тен аспайды). 
2) ауыл шаруашылығымен және балық өндірісімен айналысатын заңды тұлғалар; 
3) азық-түлік, сусын, фармацевтикалық өнімдер, медициналық тауарлар сатумен айналысатын заңды тұлғалар; 
4) екінші деңгейлі банктер (өйткені, бұл нысандардағы есепшот Ұлттық Банктің өз бақылауында болады. Шетелдік валюта айырбастау бойынша талаптары болуы мүмкін).  Басу