Бекшин: Дезинфекция адамдар үшін қауіпсіз ерітінді арқылы жүргізіледі

Алматы қаласы бойынша тауарлар мен қызметтердің сапасын бақылау департаментінің бастығы, қаланың бас мемлекеттік санитарлық дәрігері Жандарбек Бекшин мегаполисте жүргізілген кең көлемді дезинфекцияға түсінік берді және оны коронавирустық инфекциямен күресте негізгі құралдардың бірі деп атады.

Жандарбек Бекшин дезинфекция бүкіл әлемде коронавирустық инфекциясының алдын-алу үшін тиімді әдістердің бірі екенін атап өтті.

 «Коронавирус - бұл ауада тұрақтамайтын көлемді вирус. Ол заттардың беткі жағында орналасады: рельстерде, баспалдақтарда, есіктерде, аулаларда. Сондықтан зарарсыздандыру қажет», - деді ол.

Сонымен қатар, Жандарбек Бекшин сертификатталған дезинфекциялық құралдар коронавирусты зарарсыздандыру және онымен күресу үшін Қазақстанда ғана емес, сонымен қатар ЕАЭО елдерінде қолданылатынын айтты. Негізінен, глюкозамин және Акма-хлор адамдар үшін қауіпсіз дозаларда қолданылады: Глюкозамин 0,003% дозада қолданылса, Акма-Хлор 0,05% дозада қолданылады. Бұл қауіпсіз мөлшер.

Сонымен қатар, Жандарбек Бекшин әлеуметтік желілерде пневмония дезинфекциялық ерітінділерден пайда болуы мүмкін екендігі туралы таратылған ақпаратқа да түсінік берді. Ол дезинфекция жұмыстары пневмония тудырады деген пікірді жоққа шығарды.

Оның айтуынша, пневмонияның асқыну себептерінің бірі азаматтардың өзін-өзі емдеуі болып табылады. Көпшілігі антибиотиктерді өздігінен қабылдайды. Сонымен қатар, кез-келген ауруды емдеу кезінде білікті маман, осы салада жеткілікті білім базасы бар дәрігер жүргізуі керек. Білместікпен өзін-өзі емдеу асқынуларға және тіпті өлімге әкелуі мүмкін.

"Инфекция жоғарғы тыныс жолдарынан өкпеге өтеді. Жоғарғы тыныс алу органдары таза болғанымен, пациент, симптомсыз вирус тасымалдаушысы болады. Бұл кезде ПТР диагностикасы нәтиже бермейді. Бізге өкпенің төменгі жағынан қақырық қажет, өйткені инфекция сонда өтті", - деп түсіндірді Жандарбек Бекшин.

Басу